Bimmaba itan ti nailista nga active cases ti Covid 19 iti probinsya ti La Union.
Immuna ditoy, adda ti nailista a 16 active case ti Covid 19 no sadino maysa a 43 anyos nga babae a tubo ti Galimuyod, Ilocos Sur. Agtatrabaho isuna iti syudad ken agnanaed iti Barangay Parian, syudad ti San Fernando.
Maibilang isuna nga asymptomatic no sadino awan iti nakapulapol na a Covid 19 patient ken awan iti travel history na.
Madama daytoy nga naka admit iti Ilocos Training & Regional Medical Center.
Mainaeg daytoy, 200 iti total Covid 19 cases; 174 dagiti recoveries; idinto a 11 ti pimmusay. 4,621 dagiti suspected ken 706 ti admitted.
Kabayatan na, ti City Covid-19 Inter-Agency Task Force iti panangidaulo ti City Health Office ken iti koordinasyon iti DOH-Regional Office 1 babaen iti Regional Epideamiology and Surveillance Unit ken iti Barangay Council ket mangisaysayangkat ti istrikto a pannakaipatungpal dagiti health measures ken protocol iti masakupanda a lugar ken contact tracing kadagiti nakapulapol ti nasao a pasyente.
Iti sabali a bangir, maysa met ti nailista a nagimbag manipud iti virus ni patient #5 manipud ili ti Tubao.
