LA UNION – Nanayunan pay iti bilang dagiti nagsuspinde ti klase iti amin a level gaputi manamnama nga epekto ti bagyo Ompong ditoy probinsiya ti La Union.
Kabilang dagiti ili a nagsuspendi ti klase ita laeng nga aldaw, September 13, ket idiay ili ti Balaoan, Bangar, Luna, Pugo, Santol, Sto. Tomas ken Sudipen.
Suspendido met ti klase ita nga aldaw agingga inton bigat, Setyembre 14, ti serrek iti pagadalan idiay Agoo, Aringay, Bacnotan, Bagulin, Bauang, Burgos, Naguilian, Rosario, San Juan, ken Tubao.
Awan pay iti serrek ken make up classes agingga Setyembre 15 idiay ili ti Caba, ditoy syudad ti San Fernando ken idiay ili ti San Gabriel.
Malaksid nga awan ti serrek iti klase iti amin a pagadalan ditoy San Fernando City ket suspendido pay ti serrek dagiti empleyado iti pribado ken pampibliko nga opisina inton September 14 ken 15.
Iti panangsuspinde ti klase ket para iti kinatalged dagiti agad-adal kontra kadagiti posible a peligro a gubwayen ti bagyo Ompong.
Iti agdama, awan pay iti epekto iti bagyo Ompong iti sadinuman a paset ti La Union.
