LA UNION – Inirotan pay ti quarantine checkpoint nga ar-aramiden idiay probinsya ti La Union kontra iti African Swine Fever (ASF).
Iti agdama ket nakalock down ti probinsya kadagiti sumsumrek nga live stocks.
Iti pannakiuman ti Bombo Radyo La Union kenni Provincial Veterinarian Dra. Nida Gapuz, kinuna na a paset laeng daytoy iti panagirot mainaeg ti ASF agsipudta iti probinsya ti Benguet ket apektado iti sumagmamano a hog raisers isu nga naipasidong iti culling dagiti dadduma a baboy iti nadakamat a lugar.
Inpaganetget ni Dra. Gapuz nga agtaltalinaed nga ASF Free ti La Union ken mas inirotan pay dagiti addang tapno awan ti makastrek nga baboy a positibo iti ASF.
Kabayatan na, agtultuloy met iti palagip ti PVET kadagiti hog raisers nga ipractice ti biosecurity tapno saan nga maapektaran ti ASF dagiti baboy ken liklikkan ti swill feeding.
