LA UNION – Dumanon itan iti 62 dagiti nagpositibo iti covid 19 ditoy Ilocos Region maibasar iti kaudian a datos ti DOH Region-1 idi kalman, May 13, 2020.
Kalpasan iti nasurok dua a lawas nga awan ti nailista a kaso ti COVID 19 ditoy probinsiya ken Ilocos Region, idi kalman ket kinumpirma ti DOH Region-1, nga adda ti 2 a kabarbaro a nagpositibo iti COVID 19 pakairamanan ti maysa idiay Pangasinan, ken maysa met ditoy La Union.
Ditoy La Union, iti kabarbaro a covid 19 patient a ni suspect no. 35 ket 65-anyos a lolo, residente ti Barangay Cadapli, Bangar ken agsagsagaba iti chronic kidney disease secondary to diabetic nephropathy.
Iti kauddian nga impormasyon a nakalap ti Bombo Radyo, adda metten isuna iti stable condition bayat a naka-confine iti Ilocos Training and Regional Medical Center (ITRMC).
Immuna ti daytoy, naipasidong ti nasao a pasyente iti swab test idi May 6,2020 ken rimuar idi kalman iti resulta na a positibo.
Dagus met a naideploy ti contact tracing team ngem kidkiddawen ti lokal a gobyerno iti kooperasyon dagiti tattao a nakapolapol ti pasyente.
Inyemplementar metten ti LGU-Bangar ti nairut a quarantine measures da ken naipasidong iti Barangay Cadapli iti Extreme ECQ.
Kabayatanna, 41 metten ti nailista a recoveries iti Ilocos Region, kalpasan a 2 iti kabarbaro a recoveries a nailista ditoy probinsiya ti La Union, maysa ditoy syudad ti San Fernando ken maysa idiay ili a Luna.
Nagimbagen ti 76-anyos a lola manipud iti Barangay Tanqui ditoy syudad ken maibilang a maikatlo a recovered patient ditoy syudad.
Na-admit iti maysa a pribado nga ospitaL ditoy syudad idi April 27 ngem iti rimuar a resulta iti test daytoy idi kalman ket negatibo iti makapatay a virus.
Nupay kasta, agtaltalinaed daytoy iti isolation facility ditoy syudad ken manamnama a rumwar ita nga aldaw, May 14.
Iti maysa pay a nagimbag a pasyente ditoy probinsiya ket iti 88-anyos a lolo manipud Nagrebcan, Luna La Union ken rumwar met laeng iti pagagasan ita nga aldaw.
Pakabuklan a 13 itan ti recoveries ditoy La Union ken 21 dagiti confirmed cases.
Ti probinsiya ti Pangasinan ket 27 iti positibo a kaso; Dagupan-11; Ilocos Norte-2; ken Ilocos sur – maysa
Kabayatanna, agtaltalinaed a 12 iti total deaths iti Region One:
