LA UNION – Naminsan manen a nakailista iti probinsiya ti La Union iti nangato a kaso iti COVID 19 iti uneg ti maysa nga aldaw.
Idi kalman, Setyembre 26, nakailista iti probinsiya ti 18 a baro a kaso iti makapatay a sakit.
Pakaibilangan ditoy iti innem (6) nga ili idiay Bauang;Bagulin-5; San Fernando City-3; Agoo-1; Bangar-1; Tubao-1; ken Rosario -1.
Iti ili a Bagulin iti kakaisuna a lugar ditoy La Union a COVID-free sipud timpuar ti pandemya idi Marso, ngem ita ket nakailista ti lima baro a kaso.
Iti pakabuklan, adda pay iti 86 active cases ti La Union; 371 confirmed cases; 272- recoveries; ken agtaltalinaed a 13 iti total deaths iti COVID 19.
Kabayatanna, nakailista met ti Provincial Government of La Union (PGLU) iti dua (2) a recoveries.
