Nailista ti 11 a kabaruan nga kaso ti Covid 19 iti probinsya ti La Union idi kalman July 31, 2020.
Manipud iti nasao a bilang, (7) ti baro a nailista a kaso ket manipud iti Brgy. Disso-or iti ili ti Bauang. Agpapada dagitoy nga asymptomatic. (5) Kadagitoy ti lalaki ken (2) a babae. Agtawen ti 2 ti kaubingan ken 33 anyos ti kataengen.
Dua a baro nga kaso ti nailista idiay Brgy. Sta. Rita iti ili ti Bacnotan. Bin-eg dagitoy a bababe nga agtawen ti 42 ken 54. Isuda ket asymptomatic ken agtaltalinaed iti Isolation Facility.
Mainaeg daytoy, (2) a kanayunan a baro a kaso ti Covid 19 iti nailista manipud Brgy. San Agustin iti syudad ti San Fernando. Dagitoy ket babbae nge agtawen ti 33 ken 38. Isuda ket asymptomatic ken manamnama a maiturong iti Isolation facility.
Dagiti baro a nailiasta iti probinsya ket maikonsidera nga adda close contacts wenno na-exposed kadagiti positive Covid-19 patients.
Kabayatan na, 88 itan ti total cases ti Covid 19 ditoy La Union no sadino 34 ti active cases; 46 ti recoveries ken 8 iti pimmusay.
