Nakailista ti 17 a baro a kaso ti Covid 19 iti probinsya ti La Union iti uneg ti maysa nga aldaw.
Manipud iti nasao a bilang, (10) ket naggapu iti ili ti Luna, (4) iti ili ti Bacnotan, (2) iti San Fernando City, ken (1) idiay ili ti Caba, La Union.
Kabayatan na, (2) met iti nailista a recoveries manipud iti City of San Fernando ken ili ti Rosario.
Iti agdama, 63 ita ti nailista nga active cases ti Covid 19.
Mainaeg iti daytoy, 548 itan ti total cases iti Covid 19 ditoy La Union. 467 ti recoveries ken agtaltalinaed a 17 dagiti pimmusay iti makapatay a virus.
Kabayatan na, naipatungpal metten iti contact tracing kadagiti nakapulapol dagiti Covid 19 positive tapno malapdan iti panagwaras ti virus.
