Nanayunan iti pito a baro nga kaso ti Covid 19 iti probinsya ti La Union.
Pakaibilangan ditoy ti uppat nga pasyente nga agpapada a lalaki ken residente ti Barangay San Nicolas Central, Barangay Macalba, Barangay San Jose Norte, Barangay San Agustin Norte. Dagitoy ket agtawen iti 27, 30, 33 ken 76 anyos nga agpapada a symtomatic.
Maur-uray iti pannakaiturong dagitoy iti La Union Medical Center para iti pannakataming ken pannaka monitor kadakuada.
Mainaeg daytoy, ti 34 anyos a lalaki a residente ti Barangay San Julian West iti ili ti Aringay ket maysa nga asymptomatic
Kabayatan na, naiturong met iti isolation facility iti 22 anyos a lalaki nga residente ti Barangay Sevilla, a maysa a symptomatic idinto a ti 28 anyos a babae a symptomatic ket residente ti Barangay Pagudpud ditoy syudad iti San Fernando, La Union.
Naka admit ita daytoy iti Ilocos Training & Regional Medical Center (ITRMC) para iti pannakataming daytoy.
Iti sabali a bangir, nakailista met ti (3) a recoveries manipud iti ili ti Agoo; (2) iti syudad ti San Fernando; (1) idiay ili ti Rosario ken (1) idiay ili ti Tubao.
Agpada itan a Covid 19 free ti ili a Rosario ken Tubao ditoy probinsya.
Agtaltalinaed a 31 ti active cases idinto a 227 ti total cases ti Covid 19 iti intero a probinsya.
