Naminsan manen nga nakailista ti dua a baro a kaso ti Covid 19 iti probinsya ti La Union.
Ti umuna a kaso ket manipud iti ili iti Pugo a maysa a 76 anyos a lalaki residente ti Barangay Cares. Maibilang nga Asymptomatic ken madama naka admit iti Lorma Medical Center.
Kabayatan na, ti ma-ikadua a kaso ket manipud iti ili ti Burgos a maysa a 49 anyos nga lalaki ken residente ti Barangay Bilis. Isuna ket Asymptomatic ken madama a naka home quarantine. Maur-uray iti pannakaiturong na iti isolation facility para iti naan-anay na a pannakataming.
Iti sabali a bangir, 12 ti nailista a nagimbag manipud iti makapatay a virus.
Kabilang ditoy ti (7) manipud ili ti Bauang; (3) idiay ili ti Rosario; ken saggaysa manipud ili ti Bacnotan ken Aringay.
Agtultuloy met ti palagaip dagiti maseknan iti panangsurot kadagiti health protocols tapno naan-anay nga maparmek ti virus.
