LA UNION – Adda iti tallo a baro a kaso ti COVID 19 iti nailista ditoy probinsiya ti La Union, September 23, 2020.
Dagiti tallo a baro a kaso ket manipud ili ti Agoo, Bauang, ken Bacnotan.
Iti agdama, adda iti 77 nga aktibo a kaso ditoy probinsiya ken agtultuloy nga agpapaimbag.
Pakabuklan itan a 347 iti confirmed cases ti COVID 19 ditoy La Union bayat a 248 dagiti recoveries.
Kabayatanna, awan iti baro a kaso a nailista ditoy syudad ti San Fernando ngem dua iti baro a recoveries daytoy.
Base iti nailanad nga impormasyon manipud lokal a gobyerno, adda ti duplication iti pannakailista ti maysa a kaso.
Ngem dagus a sinungbatan daytoy ti syudad ti San Fernando babaen iti panangiyurnos ti listaan.
Iti agdama, adda iti 57 active cases ti COVID 19 ditoy syudad manipud iti 163 confirmed cases.
103 dagiti pasyente a nakarekober ken agtaltalinaed a tallo dagiti natay.
