Iti ciudad ti San Fernando La Union ti adda kaaduan nga nailista a kaso ti Covid 19 iti uneg ti maysa nga aldaw nga dumanon iti (14).
Nagtaud iti PUROK 2B ti Barangay San Agustin dagiti amin a baro nga nailista a kaso ti Covid 19.
Manipud iti nasao a (9) dagiti baro a pasyente a bin-eg a laklaki nga edad 47, 46, 61, 37, 65, 60, 3, 60, 32 anyos ken (5) met a babae nga edad 36, 21, 34, 31, ken 64 anyos.
Gapu iti ar-aramiden a Mass Testing iti nasao nga lugar isu nga adda dagiti nailista a baro nga kaso sadiay.
Nupay kasta, kaaduan kadagiti pasyente ket Asymptomatic ken awan iti nakapulapolda a COVID-19 patient.
Iti sabali a bangir, maysa a 59 anyos nga lalaki ti baro a kaso ti Covid 19 idiay ili ti Bacnotan. Residente daytoy iti Barangay Sta. Rita ken adda close contact na kadagiti pasyente iti nasao a lugar.
Naka home quarantine daytoy ket addan iti nasayaat a kasasaad.
Asymtomatic met ti 23 anyos nga babae a residente iti Barangay Casilagan, San Juan, La Union nga kabarua a kaso ti Covid 19 ditoy. Naamuan nga travel history na ti pasyente ken naka home quarantine iti agdama.
Kabayatan na, dumanonen iti 139 ti total cases ti Covid 19 iti probinsya; 75 active cases; 56 recoveries idinto a 8 ti natay.
