Nanayunan manen ti innem a baro a kaso ti Covid 19 iti probinsya ti La Union ita nga aldaw August 1, 2020.
Dagiti tallo a baro a kaso a nailista ket manipud iti Brgy. Subusub, Bayan ili ti Rosario, a (1) a symptomatic a lalaki nga agtawen ti 5, (1) nga asymptomatic a lalaki a 69 anyos ken (1) a babae a 69 anyos ken symptomatic. Agtaltalinaed dagiti pasyente iti Rosario District Hospital.
Mainaeg daytoy, (2) met kadagiti nainayon a kaso ket manipud iti Brgy. Urbiztondo, iti ili ti San Juan. Agpada dagitoy a lalaki nga edad 35 ken 58 anyos a maipud Tondo, Manila. Agpada met dagitoy asymptomatic ken naka admit iti Ilocos Training Regional & Medical Center (ITRMC).
Ti maysa met nga nainayon a kaso ket 62 anyos a lalaki manipud Brgy. Central West, iti ili ti Bauang. Maibilang a Symptomatic ti pasyente ken madama nga adda iti maysa a pribado a pagagasan iti syudad ti San Fernando.
Gapu ti daytoy, dumanon itan ti 94 total cases ti Covid 19 ditoy La Union no sadino 40 ti active cases; 46 ti recoveries ken 8 iti pimmusay.
