LA UNION – Nakaawat ti La Union Police Provincial Office (LUPPO) iti Search and Rescue (SAR) supply ken equipment manipud ti Provincial Government of La Union (PGLU).
Dagitoy ket personal a inpaima ni La Union Governor Rafy Ortega-David kabayatan ti ceremonial turnover a naangay idi kallabes ditoy Syudad ti San Fernando City, La Union.
Karaman kadagiti naipaay ti advanced rescue tools, communication devices, plastic boat, life float rings and vests, bolt cutters, chainsaw, ken protective gears.
Napalaus met ti panagyaman ti sibubukel a La Union Police Provincial Office a idadauluan ni Provincial Director PCol. Lambert Suerte kadagiti alikamen a mausar aglalo iti daytoy tiempo ti matutudo ken emerhensiya.
