Mangrugin nga agibunong kadagiti bin-i para kadagiti mannalon a naapektaran iti napalabas a bagyo ti Provincial Agriculture Office ditoy La Union.
Daytoy ti kinuna ni Provincial Agriculturist Officer Col. Ramon Laudencia kabayatan iti pannakiuman kenkuana ti Bombo Radyo La Union.
Segun kenni Col. Laudencia nasken laeng nga maipaayan iti tulong dagiti mannalon agsipudta daytoy iti kangrunaan nga kasapolan kalpasan nga adu kadagiti talonda ti naapektaran iti naglabas a bagyo Maring.
Dagiti maited a bukel kadagiti mannalon ket dagiti dagiti bin-i a naandor iti danom.
Kabilang kadagiti naapektaran nga nadadael a mula dagiti mannalon ket dagiti pagay, nateng ken dagiti agtagikua kadagiti pupokan.
Maipalagip, dumanon iti P500 milyon nga agricultural products ditoy La Union iti nadadael gapu ti bagyo Maring.
