LA UNION – Pasadon iti Provincial Board Council ti maysa a resolusyon a mangipaay iti tulong kadagiti nagbalin a biktima ti panag-alboruto ti Bulkang Taal idiay probinsya ti Batangas.
Iti naangay a regular session ti Sanguniang Panlalawigan ti La Union ket dagus a nailusot ti resolusyon a mangited iti tulong ti gobyerno probinysa para kadagiti apektado ti kalamidad nga umabot ti P300,000.
Immuna iti daytoy, kiniddaw ni La Union Gov. Pacoy Ortega III iti Provincial Board Council a mangipaay ti ayuda ti lokal a gobyerno kadagiti biktima iti panagbittak ti nasao a bulkan.
Kabayatanna, pasado metten ti maysa a resolusyon tapno maipaayan ti P20,000 cash kas tulong iti tunggal biktima a taga-La Union iti car crash a napasamak idiay pagilyan ti Singapore.
