LA UNION– Mangisay-sayangkat ti clean up drive iti grupo dagiti surfers iti naduma-duma a barangay idiay ili ti San Juan, partikular iti lugar a sentro ti surfing activities.
Inawagan nga ‘Oplan Puksa Covid 19’ iti nasao a proyekto ti La Union Surf Club a buklen iti aganay 90 a miyembro.
Segun kenni La Union Surf Club President Ian Saguan, daytoy ket panangipakita ti panangipateg iti aglawlaw ken wagas metten ti grupo tapno pagyamanan dagiti timmulong kadakuada iti napalabas a dua a bulan idi panawen ti lockdown gapwanan ti covid crisis.
Segun kenni Saguan, innem nga aldawen nga isay-sayangkat da ti clean up drive, partikular iti coastal areas ken kadagiti igid ti kalsada.
Maysa laeng dagiti surfers a kangrunaan a naapektaran ti pagbiagan da kagiddan iti panagsardeng ti turismo.
Agingga iti agdama, awan pay iti naglukat a Surf Schools ken saan pay a mabalin dagiti surfing lessons.
Nupay kasta, naipalubosen ti surfing iti nasao a lugar ken adda metten iti sumagmamano a pasdek negosyo iti inikkan ti Dept. of Tourism (DoT) Region 1, iti sertipikasyon tapno mangrugi da manen nga ag-negosyo iti sidong ti Modified General Community Quarantine (MGCQ).
‘Oplan Puksa Covid 19’
