LA UNION – Imballaag ti non-profit environmental health and justice organization nga EcoWaste Coalition iti tallo a Labubu tumblers a nakitaan da ti nangato nga amount ti lead.
Impadamag ti grupo a dagiti nasao a tumblers ket paset iti innem a saan nga opisyal a Labubu merchandise items a mailak-lako iti kantidad a P275 tunggal maysa.
Segun iti grupo, na-detect iti nasurok 1000 parts per million (ppm) a lead iti nasao a tumbler a kulay pink, red ken yellow babaen ti g X-ray fluorescence analyzer.
Daytoy ket limbes iti lead limit para iti paint a 90 parts per million (ppm).
Segun iti grupo, ti pannaka-expose iti lead nga uray nababa laeng a doses ket peligro iti salun-at.
Maibasar met iti World Health Organization, dagiti ubbing a partikular a vulnerable iti toxic effects ti lead ket mabalin a makapadas ti permanent adverse health impacts partikular iti development ti central nervous system.
Mangigubway ti lead iti napaut a peligro iti adults, partikular iti nangato a blood pressure, cardiovascular problems ken pannakadadael iti kidney.
Maka-apektar pay ti lead exposure kadagiti masikog a mangibaba ti panag-dackel ti fetus ken nasapa a panaganak.
Gaputi daytoy, mabalakadan dagiti konsyumer nga ipaganetget ti karbengan para iti product labeling information ken para iti dekalidad ken saan a peligro a produkto.
