Inbutaktak ni Senador Panfilo “Ping” Lacson nga adda dagiti impormer ken saksi a makunkuna a nakasagana a mangipaay ti impormasion ken ebidensia kontra kenni sigud a Senate President Alan Peter Cayetano, kasaruno ti susik da mainaig iti isyu ti integridad.
Iti statement ni Lacson, kenunana nga umad-adu dagiti boluntario nga umas-asideg a mangted iti testimonia kontra kenni Cayetano ken adda ti maipagarup nga impormasion a mabalin a mangyeg ti criminal liability kontra iti sigud a presidente ti Senado.
Nagramut iti panagsinnukat ti statement kalpasan a pinagduaduaan ni Cayetano iti panagdakkel ti naideklara a net worth ni Lacson iti Statement of Assets, Liabilities and Net Worth (SALN) daytoy.
Kas sungbat, inpaganetget ni Lacson a lehitimo iti panagngato ti kinabaknangna gapu ta dandani tallo a tawenen nga awan ti serbisiona iti gobierno ken kimmita iti pribado a sektor. Kenunana, makita daytoy kadagiti income tax returns-na inton 2023 ken 2024.
Inakusaran pay ni Lacson ni Cayetano iti maipagarup a ₱6.79 billion a “pork barrel-like” a budget insertions iti 2025 General Appropriations Act (GAA) ken dinakamatna dagiti maipagarup a “ghost” flood control projects idiay Taguig City.
Tinakderan ni Lacson mga iti integridad na iti kapatgan a banag a salsalimetmetan na iti nasurok lima a dekada a panagserbi iti publiko ken saanna nga ipalubos a madadael daytoy gapu kadagiti alegasion kontra kenkuana.###
