Pormalen a nagsurat ni Senate President Pro-Tempore Ping Lacson kenni Senate President Vicente Sotto III tapno ipakaammo iti panagikkat na kas chairman ti Senate Blue Ribbon Committee nga agim-imbestigar kadagiti maanomalya a flood control projects.
Maibasar iti surat a naipatulod kenni Sotto, kenuna ni Lacson nga iti panagikkat na ket gapo dagiti alegasion ken panakadismaya dagiti sumagmamano a senador iti direksion ti imbestigasion ti komite.
Sumagmamano met kadagiti kaduana iti Senado iti nangibaga nga arigna punpuntiryaen ti Blue Ribbon Committee dagiti sumagmamano a senador bayat a maipagarop a protprotektaran iti Kamara a karamat iti kontrobersia dagiti flood control projects.
Agtaltalinaed a patas ken awan ti pabpaboran dagiti maisaysayangkat nga imbestigasion ti komiten, ken ebidensia kasta met iti kinapudno iti basaran na.
Innayon na pay nga awan ti politikal a konsiderasion dagiti addang na kas mangidadaulo ti komite ken awan ti plano na a tumaray iti aniaman a posision kalpasan ti terminona inton 2031.###
