LA UNION – Isagsaganan ti pulisya ti kaso kontra iti maysa 31-anyos a lalaki a natiliw a maipagarup nga aglaklako iti shabu idiay Barangay San Benito Sur, ili ti Aringay, La Union.
Nabigbig ti suspek a ni Richard Martinez, tubo iti Tarlac City ken madama nga agnanaed idiay Barangay Sta. Cecilia iti nasao nga ili.
Nakompiskar manipud iti ikot ti suspek iti dua a sachet a naglaon iti maatap a shabu ken maysa a pidaso iti P500 a buy bust money.
Adda ita iti salwad ti Aringay Police Station ti suspek ken dagiti nakompiskar a banag a maaramat kas ebidensya kontra kenkuan.
