LA UNION – Malaksid iti kaso a panagparnuay ti riribok wenno panag-probokar, naidatagan pay ti kaso a panaglabsing iti R.A. 9165 ti maysa a 26-anyos a lalaki.
Immuna ti daytoy, rinespondian dagiti otoridad iti tawag kadakuada ti maysa a maseknan a residente manipud Barangay Capas, Agoo, La Union maipapan iti maipagarop a panag-probokar ken panangkarit ti suspek kadagiti sumagmamano a tambay ti nasao a lugar.
Naka-arestaran daytoy Iti suspek a managan Francis Doctolero, baro, residente ti Barangay San Nicolas West, Agoo, La Union.
Kinapkapan dagiti otoridad ti suspek ket nakumpiskar da manipud iti wallet daytoy iti dua (2) a plastic tea bag a naglaun iti maatap a marijuana.
Agdagsen daytoy ti 0.5 grams ken mapatta-patta nga agbalor ti P440.00
Dagus a naipasidong ti suspek iti custodiya ti Agoo Police Station para iti naan-anay a disposisyon.
