LA UNION – Malamlamayan itan ti lalaki a nasarakan a natay ken tumtumaw idiay baybay a sakupen iti Barangay Ilocanos Norte, syudad ti San Fernando, La Union.
Nabigbig ti biktima a ni Edward Camarao, 26, residente ti Barangay Pagdar-aoan ti nasao a syudad.
Base iti istorya dagiti gayyem ti biktima, kalpasan a nagiinom daggitoy ket nagtutulagda nga agkammel iti tarukoy idiay baybay kalpasan a nagsardng ti tudo idi rabii ti Sabado.
Maipagarup a binallasiw ni Camarao ti karayan tapno makagteng idiay baybay, ngem saan a simmurot dagiti gagayyemna gapu iti amak a maiyanodda iti napegges a danum.
Nagawiden kadagiti pagtaenganda ken imbati dagiti aggaygayyem ti biktima idi a makagteng daytoy idiay baybay gapu ta natalekda a nalged daytoy sadiay.
Ngem, saan a namnamaen iti kabigatan ket nasarakan ti maysa a manggalap ti bangkay a tumtumpaw idiay baybay.
