LA UNION – Inarestar dagiti otoridad iti maysa a lalaki a nangi-suyat ti muriatic acid iti maysa lalaki a nangbasa kenkuana kagiddan iti selebrasyon ti Wattah-Wattah Festival idiay siyudad ti San Juan.
Viral online iti inaramid a panagbi-binnasa dagiti residente kadagiti motorista nga inosente a lumab-labas iti lugar .
Iti maysa a waragawag, imbaga ni San Juan City Chief of Police, PCol. Francis Reglos, iti suspek ket limmabas iti lugar a pakaisay-sayangkatan ti ‘basaan festival’ idi kellaat a nasuyatan daytoy ti danum.
Napikon iti lalaki ket bimmales babaen iti panangi-suyat na met ti muriatic acid iti biktima.
Dagus a naiturong ti biktima iti pagagasan kalpasan a naparsiakan ti mata na.
Nangidatag ti reklamo ti biktima a Physical Injury kontra iti suspek.
Ngem kalpasan ti panag-sinnango dagiti dua, nagtinnunos met laeng dagitoy ket naisanod ti kaso kontra iti suspek.
