LA UNION – Nasarakan met laeng iti pamilya na iti lalaki nga immunan a naipadamag a mapukpukaw ken naipanawagan ditoy Bombo Radyo La Union.
Nabigbig daytoy iti nagan a Rodel Navalta, 33-anyos, baro, mannalon, ken residente iti Brgy. Cantoria #2, Luna, La Union.
Maysa a residente ti Brgy. Nagrebcan, Luna, La Union iti nakakita iti bangkay a nakapakleb pasado alas 5:00 idi malem kalman asideg iti irigasyon iti nadakamat a lugar.
Rimuar iti resulta ti eksaminasyon iti bangkay, nga insayangkat ni Dr. Primitivo Zambrano ti Rural Health Unit idiay ili a Luna, a natay ti biktima gapu iti pannaka-koryente.
Naamwan ti Bombo Radyo nga idi masarakan iti bangkay ni Navalta ket naka-dekket iti bagi na iti steel wire.
Nupay kasta, naipasidong latta iti autopsy iti bangkay ti biktima tapno maamwan ti pudno a makagapu iti pannakatay daytoy.
Immuna ti daytoy, istorya ti pamilya na, nagpakada ti biktima idi rabii ti Nobiyembre 3, 2020 a mapan agliwliw ti tukak ngem saan metten a nakaawid agingga iti kabigatan na.
