LA UNION – Saanen nga ipa-autopsy ti pamilya Peralta iti bangkay ni Bryan Esteve, a natay kalpasan a malmes iti kabaybayan iti Barangay Pagdalagan Sur, Bauang, La Union.
Segun iti ama ti biktima a ni Alberto Peralta, mamati nga awan ti napasamak a foul play iti pannakatay ti anak na, isunga nagdesisyon a saanen nga ipa-autopsy iti bangkay.
Immuna ti daytoy, iti biktima a ni Bryan Esteve, 22-anyos, residente ti Barangay Sevilla Purok 8, San Fernando City, La Union kadwa na dagiti gagayyem na ket napan da nagdidigos iti nasao a paset ti kabaybayan, idi aldaw ti Miyerkoles.
Maipagarop a naginom ti nasanger dagitoy, ngem iti biktima ket napan nagdigos a maymaysa na kabayatan nga adda iti impluwensiya ti arak.
Idi saan a mauray dagiti kakadwa na nga agsubli ti biktima ket impagarop da a nagawiden daytoy, isutgpuna a nagawid metten dagitoy.
Kabigatanna, sinapol ti ama iti biktima, kadwa na iti sumagmamano a mangngalap a naglugan ti bangka ket nagwanawan dagitoy iti kabaybayan ngem napaay dagitoy.
Idi met laeng malem kalman, maysa a mangngalap iti nakakita iti tumtumpaw a bagi ni Peralta ngem maysan daytoy a nalammiis a bangkay.
