LA UNION – Arestado iti maysa a lalaki iti insayangkat a buy bust operation dagiti kameng ti PDEA otoridad idi rabii idiay Barangay 3, San Fernando City, La Union.
Nabigbig daytoy iti nagan a Joshuan Bilante, 36, residente ti Barangay San Francisco, San Fernando City.
Nakumpiskar manipud iti suspek ti maysa a heat sealed transparent plastic sachet a mapapati a naglaun ti shabu, cellphone, maysa a P1,000.00 peso bill a genuine ken dua a P1,000.00 peso bill boodle money.
Naamwan a karaman ti suspek iti drug watchlist ti PNP.
Maisag-sagan itan ti kaso a panaglabsing ti R.A. 9165 maikontra ti suspek.
