LA UNION – Naidatagen idiay piskalya ti kaso nga illegal possesion of firearm and ammunitons kontra ti maysa a lalaki kalpasan ti naisayangat a search operation ti pulisya idiay Barangay Damortis, ili ti Sto. Tomas, La Union.
Nabigbig ti suspek a ni Jonathan Celis, 39, residente ti nasao a lugar.
Babaen ti search warrant ng inyatnag ti pangukoman, inalikad dagiti pulis ti balay a pagnanaedan ti suspek kasaruno iti pannakadiskobre ti cal .38 a paltog ken iti bala daytoy.
Agtaltalinaed ti pagbaludan ti suspek kabayatan a maur-uray iti resolusyon ng iruar ti piskalya para iti kaso a sangsanguenna.
