LA UNION – Agtultuloy a maag-agasan iti Ilocos Training and Regional Medical Center (ITRMC) iti maysa a 29-anyos a lalaki gapu kadagiti linak-am na a dun-dunor iti bagi, kalpasan a maipagarop nga inggagara na iti nagpa-dungpar iti big bus kalpasan a maipagarop a linuganan ti dakes nga espiritu.
Nabigbig iti biktima a ni Daryl Abuan, baro, residente ti Barangay Paringao, Bauang, La Union.
Kabayatanna, iti partas bus ( plate number UWH 780 ken body # 83008) a naka-atal iti biktima ket minaneho ti managan Alvaro Gabaldon, 44, addaan ti asawa, residente ti Barangay Carisquis, Luna, La Union.
Base iti report, dumaldalyasat ti partas bus iti national highway a sakop ti Barangay Taberna, Bauang, La Union idi kellaat a nagpa-tengnga iti kalsada iti biktima.
Naamwan a ti biktima ken ti ama na ket magmagna iti laud a ngalay ti kalsada idi kellaat a sinabat ni Abuan ti nasao a partas bus.
Base met iti salaysay iti ama ti biktima kadagiti otoridad, at-atipaen na ti anak na nga agpa-tengnga ngem timmaray latta daytoy kalpasan a maipagarop a naluganan ti dakes nga espiritu.
