LA UNION – Saan laeng a panagparnuay ti riribok, ngem ketdi sumangsango pay ti nadagdagsen a kaso a panaglabsing iti R.A. 9165 iti maysa a lalaki nga inarestar dagiti otoridad idi rabii idiay Rizal Ave. Barangay 3, San Fernando City, La Union.
Iti suspek ket nabigbig iti nagan a Bryan Pagador, 35, baro, residente ti Barangay Ortega, Bacnotan, La Union.
Immuna a nagresponde dagiti kameng ti San Fernando City Police iti report nga adda iti lalaki a nagparnuay ti riribok iti nasao a lugar, babaen iti panagipir-ak na iti bot-bote ti softdrinks.
Idi maarestar ti suspek, kinap-kapan isuna dagiti otoridad ket maipagarop a nakakumpiskar da iti maysa a heat sealed plastic sachet iti maipagarop a shabu.
Iti suspek ken iti nakumpiskar a droga ket adda ita iti custodiya ti pulisiya para iti umno a disposisyon.
