LA UNION – Dead on arrival idiay ospital ti maysa a lalaki nga addaan ti sagubanit iti panunotna kalpasan a nalmes daytoy idiay Amburayan river a sakupen iti Barangay Mindoro, ili ti Bangar, La Union.
Naammuan ti Bombo Radyo manipud ti Bangar Police Station, maipagarup a ginandat ti saanen a nainaganan a biktima a ballasiwen ti nasao a karayan ngem napaay daytoy gapu iti kinapegges ti danum a nagbanag iti pannakalmesna.
Tallo a lallaki ti nakasarak iti biktima a tumtumpaw iti danum kasaruno iti panangiturong ti ospital ngem awanen daytoy iti biag.
