LA UNION – Dead on arrival idiay ospital ti maysa a mannalon nga addaan ti diperensya iti panagpampanunot kalpasan a tagbaten daytoy iti nanganawa kenkuana gapu ti panagpagungga iti birthday party idiay Barangay Luzong Norte, ili ti Bangar, La Union.
Nabigbig ti natay a ni Ronald Tolentino, 42-anyos; kabayatan a ti suspek ket ni Ronaldo Guimayen, 43-anyos, agpada a rresidente ti nasao a barangay.
Base iti imbestigasyon ti Bangar Police Station, naammuan a nakapasar ti mental disorder ni Tolentino idi a nagtruong daytoy iti birthday party a nakaiggem iti buneng ken butbutngenna dagiti dimmar-ay iti okasyon.
Maipagarup a nagdisnudo ni Guimayen nga anawaen ken itulod ni Tolentino idiay balayda.
Kabayatan a magmagna dagiti dua ket tinagbat ni Tolentino ni Guimayen iti bukot.
Inagaw met ti suspek ti buneng ti biktima kasaruno iti panangibales.
Agpada a naiturong idiay ospital ti Tagudin, Ilocos Sur dagiti dua ngem natay met laeng ti biktima.
Agtultuloy iti imbestigasyon dagiti pulis ti napasamak.
