Maysa a 30-anyos a lalaki iti naka-confine ken maob-obserbaran ita iti Ilocos Training and Regional Medical Center (ITRMC) ditoy syudad ti San Fernando gaputa maipagarop nga awan pay puot na wenno na-comatose, sipud timpuak daytoy iti nagluganan na nga elf truck idi rabii.
Iti biktima ket managan James Jucalo, 30, baro, residente ti Barangay Lipay Este, San Gabriel, La Union.
Maibasar iti istorya dagiti kakadwa ti biktima a naglugan ti elf, partikular iti driver ni Ariel Bilieg, 42, residente ti Poblacion, San Gabriel, La Union kellaat a timpuak ni Jucalo idi dumaldalyasat da nga agturong iti amianan a direksiyon partikular iti Barangay Tanqui.
Dagus da nga inturong ti biktima iti ospital kalpasan a napukaw ti puot na idi timpuak ti elf.
Nupay kasta, naamwan nga immunan a timpuak ti biktima idi dumaldalyasat dagitoy iti kalsada idiay Barangay Calumbaya, Bauang, La Union.
Kinumpirma dagiti kakadwa na a nakalugan iti elf truck, a ti biktima ket agsagsagaba ti sakit iti panunot.
