Maamak itan dagiti residente ti Barangay Sevilla, San Fernando City, La Union iti maminsan manen a pannakapasamak iti pannakaregaay ti daga kasaruno ti pannakarsuod iti atep ti Seaoil itay alas 3:00 ti parbangon.
Immuna ditoy, naamuan ti Bombo Radyo La Union manipud kenni Jericho Lagasca, service crew ti gasolinaan nga immuna a nakakita kadagiti nagtinnag nga batbato manipud iti turod.
Gapu ti pasamak, 3 tricyclen ken dua a motor ti nagaboran ken natupakan iti atep ti gasolinaan.
Kabilang ditoy iti maysa a private tricycle ken dagiti tricycle nga addaan ti body number a 1683 ken 1698 kukua ni Edison Magno, Barangay San Francisco, ditoy syudad ken ti dua a motorsiklo a saan pay nga ammo siasino kadagiti agtagikua.
Mainaeg iti daytoy, awan ita trabaho ni Lagasca gapu ti pasamak.
Kabayatan na, adun dagiti nakapaliiw iti sumagmamano nga aldaw nga adda dagiti agtinnag ti daga manipud iti turod numan nabayag metten nga naaramid ti pader a mangruporta iti gasolinaan.
Naamuan pay nga nabiit pay laeng a nanglukat iti nasao a gasolinaan.
