LA UNION – Maysa itan nga abogado dagiti 35 manipud Don Mariano Marcos Memorial State University – Mid La Union Campus ken 16 manipud Saint Louis College, kalpasan a makapasada iti 2025 Philippine Bar Examinations.
Maipalagip a naisayangkat ti 3-aldaw nga eksaminasyon idi September 7, 10, ken 14, 2025 iti 14 a regional testing centers babaen ti digital platform nga Examplify, a nairanta tapno agbalin a mas accessible ken natalged iti proseso.
Maibilang a napnuan pakasaritaan agsipudta daytoy ti addaan ti kangatuan a bilang dagiti kandidato iti pakasaritaan ti Bar, nga umabot iti nasurok 11,000 examinees.
Kagiddan ti listaan dagiti pimmasa, nairuar met ti listaan dagiti topnotchers ken top performing law schools.
Karamanda kadagiti 5,594 wenno 48.98% a nakapasa manipud ti pakabuklan nga 11,425 bar takers.
Dua met a uniformed personnel iti pimmasa ti nasao nga eksaminasion. Daytoy ket ni Fire Officer 2 Atty. Raiza Sunggay manipud Bureau of Fire Protection San Juan, ken Atty. Lenin Gayo manipud Caba Municipal Police Station.
Dagiti baro nga abogado ket namnamaen a maipasidong iti clearance process ken opisyal nga agsapata inton Pebrero 6, 2026.###
