Pmmusay dagiti tallo a tattao bayat a rinibu iti nadadael iti babbalay da gapo iti nakaro a panaglayus iti makin-abagatan a paset ti pagilian a Romania.
Karaman kadagiti pimmusay ket senior citizen a baket agtawen ti 85 ken 83.
Segun iti emergency response agency ti pagilian, dumanon ti 25 villages kadagiti siyam a probinsya ti apektado ti napipigsa a panagtudo a rason iti panaglayus.
Idiay ili ti Brosteni, Suceava, amin nga entrada ket nalayos ken agingga ita ket saan latta a madalanan Kinasapulan met dagiti bumbero ti excavator tapno maala ti maysa a bangkay iti karayan a naglupyas iti lugar.
Maibasar kadagiti video nga inbinglay dagiti otoridad, makita dagiti sangkabalayan nga inanod iti layus bayat nga agtulutloy met iti panagbiruk kadagiti posible pay a biktima.
Kinuna met ti Environment Ministry a sumagmamano a karayan ti nadanonen iti record high a lebel iti danum ken madam metten iti pannakaaramid ken panagpirmis kadagiti nadadael a rangtay.
