Nangipeksa ti panagsuporta ti League of Cities of the Philippines (LCP) iti pammilin ni Presidente Ferdianand “Bongbong” Marcos Junior para ti kaadda ti konsultasyon kadagiti lokal a gobierno sakbay pay iti pannagkaipasdek dagiti public infrastructure projects.
Maibasar iti waragawag ti grupo dagiti local executives idi kalman, Agosto 25, dinakamat da iti pagkasapulan a mairaman dagiti lokal a gobierno iti panagplano ken naan-anay nga implementasyon dagiti pampubliko a proyrekto a pindoan iti national government.
Kinuna ti grupo a daitoy a direktiba ti presidente a ket napateg tapno agbalin a minimal wenno naan-anay a maikkaten ti kapalpakan dagiti large-scale infrastructure projects ti gobierno, partikular dagiti proyekto ti Department of Public Works and Highways (DPWH).
Ti panangisubli ti kastoy a sistema ket panangipakita ti dakkel a panagtalek ni Presidente Marcos iti kapasidad dagiti lokal a gobierno iti panagdesisyon ken mangipaay pay ti dalan para ti episyente ken epektibo a project implementation ken umiso a panangusar ti resources tio pagilian.
Kasaruno ti waragawag ti grupo ket impasiguro da a tungpalen ti tunggal City Mayor ti akem da maipapan ti panagbalin a facilitator kadagiti konsultasyon ken force multiplier iti monitoring kadagiti government-funded projects.
Kas panakipamaysa ket impasigurado ti grupo a sangwen da dagiti karit ken bantayan dagiti public infrastructure projects a kadawyan ken maikonkonektar kadagiti anomalya, pangiyariganen iti mapaspasamak nga imbestigasyon kadagiti palpak a flood control projects.
