LA UNION – Pimmusayen ti lead singer ken co-founder ti American rap rock band a Crazy Town,a ni Seth Binzer, iti edad a 49.
Segun iti Los Angeles County Medical Examiner, nasarakan nga awan puotna ti singer a ni Binzer wenno Shifty Shellshock iti stage name daytoi.
Agtultuloy pay laeng ti imbestigasion dagiti otoridad ti rason ti pannakatayna.
Kaduana ni Binzer, ni Bret “Epic” Mazur a nangbukel ti banda a Crazy Town ken isuda ket nagbalin a miembro ti grupo kaduada Rust Epique, Doug Miller, James Bradley Jr., Antonio Lorenzo Valli ken Adam Goldstein idi 1999.
Idi 2000 inruarda ti kanta a “Butterfly” a nag-top iti Billboard Hot 100 music chart.
Nasurok 1.5 milion copies a ti nailako ti umuna nga albumda a “The Gift of Game.”
Saan a met a pimmatok ti maikadua nga albumda a “Darkhouse” ken idi 2003 idi nagsisina ti grupo.
Kalpasan ti sumagmamano a tawen nagsublida ken nangiruar ti maikatlo nga album a “The Brimstone Sluggers”.
Namin-adu a naaresto ni Binzer, umuna idi 2011 gapu iti panankabilna iti dati a nobiana idiay Los Angeles ken idi 2023, naaresto gapu iti panagmaneho bayat a adda ti impluwensiya ti arak idiay South Carolina.
