Opisialen nga inyam-ammo ti Philadelphia 76ers ti NBA superstar a ni LeBron James kas kabaruan a miembro ti team, kalpasan a pormal a nagpirma iti kontrata para iti nabatbati a paset ti karerana iti NBA.
Kagiddan ti anunsio, inruar ti Sixers iti jersey number 23 ni James, nga isuotna manen idiay Philadelphia.
Segun kenni Sixers Managing Partner Josh Harris, dakkel a dayaw para iti organisasion iti isasangpet ti 4-time NBA champion, idinto a kenuna ni President of Basketball Operations Mike Gansey nga adu ti maitulongna iti team iti uneg ken ruar ti court.
Makadua ni James iti Sixers da Joel Embiid, Tyrese Maxey, Jaylen Brown ken rookie VJ Edgecombe iti arapaap a gibusan iti nasurok uppat a dekada a panaguray ti prangkisa iti maysa pay a kampeonato. Naudi a nagkampeon ti Philadelphi idi 1983.
Iti edad a 41, panggep ni James ti agbalin nga umuna a player iti pakasaritaan ti NBA a mangabak ti kampeonato iti uppat a nagduduma a team.
Immuna isunan a nagkampeon iti Miami Heat, Cleveland Cavaliers ken Los Angeles Lakers, ken kinunana a ti panagakar iti Philadelphia ket maudi a pangngeddengna iti NBA gapu ta patienna a kaya na manen iti agbalin a kampeon.###
