Nakailista iti Department of Health (DOH) ti 5,835 a kaso ti leptospirosis iti intero a pagilian ita a tawen, no sadino kangatuan iti National Capital Region nga addaan ti 1,733, sinaruno ti Central Luzon a 632 ken Cagayan Valley a 561.
Nupay sangapulo ket siam (19) a porsiento a nababbaba maiyarig iti 7,187 a kaso iti kapada a panawen idi 2025, nagpakdaar iti ahensia nga agtalinaed nga alerto iti publiko, kangrunaan kadagiti lugar a makapadpadas ti panaglayos.
Bimmaba met iti bilang dagiti pimmusay manipud 764 idi 2025 iti 358 ita a tawen.
Segun kenni DOH Epidemiology Bureau Assistant Secretary Gerna Manatad, dagos nga agdigos usar ti sabon ken nalinis a danom dagiti timmapog wenno na-expose iti layos ken dagos nga agpakonsulta tapno maammuan no kasapulan ti prophylaxis wenno preventive medication.
Kabayatanna, binilin ti Department of Education (DepEd) dagiti pampubliko a pagadalan a papigsaen iti information campaign kontra dengue ken leptospirosis.###
