Imbutaktak ti Batangas 1st district Representative a ni Leandro Leviste nga addaan pay isuna kadagiti ebidensiya ti panangawat kadagiti kickbacks, malaksid pay ti Cabral files.
Inlawlawag na nga ita na laeng nga inruar dagitoy agsipud ta naballaagan isuna nga ibutaktak ti ebidensya ti umiso nga oras.
Ti panangibutaktak ket kasaruno ti kinuna ni Act Teachers Party-list Representative Antonio Tinio a namaymayat latta kanon kenni Leviste nga ilawlawag nu kasatno na a nagun-od dagiti records ti panagsinnukat ti text messages da Presidente Ferdinand Marcos Jr. ken sigud a legislative liaison officer Adrian Bersamin, a nakitaan na ti pammaneknek nga adda ammo iti Presidente kadagiti kickbacks manipud kadagiti maanomaliya nga insertions ti national budget.
Nakita ni Tinio dagiti records ti komunikasyon ti nagbaetan ti Presidente ken ni Bersamin manipud Disyembre 2024 agingga Hulyo 2025 a nangidetalye met kadagiti eksakto a nagturturongan dagiti kickbacks.
Mangnamnama ni Leviste a maibutaktak ti sekreto da DPWH USec. Roberto Bernardo, dating DPWH Sec. Manuel Bonoan, karaman metten ti sigud a secretaries ken undersecretaries ti Gabinete.
Kamauddian ket idawdawat na nga awanen iti testigo a matay, agpatnag ti rangkis, wenno mapatalna. Innayon na nga apaman mapasamak latta ti kakastoy ket nasaysayaat lattan nga ibati a dagiti files, affidavit, wenno recordings kadagiti mapagtalkan nga indibidwal tapno saan a mapukaw iti kinapudno.
