Inwaragawag ni Senate President Pro Tempore Panfilo “Ping” Lacson a nagkiddaw ni Batangas 1st District Rep. Leandro Leviste ti panagtaripnong tapno dumawat ti balakad mainaig dagiti maipagarup a dokumento ti pimmusay a ni sugud a Department of Public Works and Highways Undersecretary Maria Catalina Cabral.
Segun kenni Lacson, saan a natuloy iti panagtaripnong gapu iti panagbalin na a makumikon kadagiti saritaan ti Senado, karaman dagiti imbestigasion ti Blue Ribbon Committee ken ti national budget, ngem napagtulagan a mangitudingda ti schedule kalpasan ti Baro a Tawen.
Immunan nga imbinglay ni Leviste iti social media dagiti dokumento a maipagarup nga inted kenkuana ni Cabral ken naglaun ti summary ti alokasion ti DPWH tunggal distrito, probinsia, ken rehiyon manipud 2023 agingga 2026.
Kenunana, dagiti dokumento ket lehitimo ken napateg a masukimat.
Nupay kasta, pagduduaan daytoy ti Malacañang iti maipagarup a timmagas a dokumento ken awanan ti “probative value.”
Kabayatanna, kenuna ni DPWH Secretary Vince Dizon a saan na pay a naberipika wenno napaneknekan iti panagbalin a lehitimo dagiti dokumento nga adda iti ikot ni Leviste, bayat nga agtultuloy iti panagammiris iti isyu.#
