Maangay ita nga aldaw iti coronation night ti Miss Universe Philippines 2026 a paglalaban dagiti kandidata manipud kadagiti nadumaduma a probinsia ken siyudad iti pagilian.
Ado dagiti sumupsuporta iti pambato ti La Union a ni Bea Millan-Windorski ken maysa kadakuada ni Hermie Ogoy, maysa a beautician ken paset ti LGBTQ community.
Segun kenni Ogoy, napalaus ti ragsak ken mangnamnamada a makastrek ni Bea iti Top 5.
Magagaran da met no kasano nga i-project ni Bea dagiti swimsuit, gowns, ken national costume-na, a mangipakita iti kinaespesyal ken kinapudno ti kultura ken kinabaknang ti probinsya.
Gapu iti daytoy, inawisna iti publiko a makipamaysa iti panangsuporta ken panagkararag para iti panagballigi ni Bea Millan-Windorski iti prestihiyoso a kompetision.###
