Nainget iti panagsagana ti LGU Bacnotan tapno masigurado nga umno, natalged, ken naulimek iti panaglagip dagiti umili kadagiti pimmusay nga ay-ayaten da kabayatan ti masungad a selebrasion ti Undas.
Segun ti LGU Bacnotan, karaman kadagiti kangrunaan a topiko a napagsasaritaan ket iti panakaipatungpal ti traffic management plan, panakaipakat dagiti medical teams, panakabukel dagiti public assistance desks, ken koordinasion kadagiti partner agencies a mangtaming iti aniaman nga emerhensia.
Mangrugi iti ngudo ti Oktubre, agbalin nga alerto iti ili tapno masigurado ti urnos.
Lima nga aldaw sakbay ti mismo a kaaldawan ti Undas, maideploy dagiti personnel kadagiti kamposanto kagiddan ti nasapa a panagsarungkar dagiti sumagmamano nga umili.
Maiparit met iti panaglako iti aglawlaw dagiti sementerio agsipud ta mangpataud daytoy ti nakaro a trapiko, ngem impanamnama da a maaddaan dan to mairangta a lugar para kadakuada.
Palagip ti LGU, maiparit iti panagsarungkar kadagiti sementeryo kalpasan ti alas-6:00 ti rabii, kasta met iti panangimet kadagiti bubuongen a banag, armas, ken impluwensia ti arak.
PLAY VIDEO CLIP – BEN DONGLAYAN 3
Ben Donglayan
Local Disaster Risk Reduction Management Assistant of Bacnotan La Union.
