LA UNION – Nagisayangkat a dagus iti relief operation ti lokal a gobyerno iti ili a Bacnotan kadagiti residente idiay Brgy. Maragayap nga immunan a naipadamag a naggapwan ti kaunaan a nailista a covid 19 patient iti nasao nga ili.
Kinumpirma iti Bombo Radyo La Union ni Bacnotan Mayor Francisco Fontanilla, nga 181 itan a pamilya iti nabunongan dan ti relief goods idi kalman, a buklen iti 10 a kilo ti bagas, 12 a delata, 8 a sachet ti gatas ken kape.
Kagiddan daytoy, immapela ti opisyal kadagiti lumugar partikular iti nadakamat a barangay a liklikan pay laeng ti rumuar bayat a maisaysayangkat pay laeng iti contact tracing agsipudta kaadwan a nakapulapol iti pasyente ket manipud iti nasao a lugar.
