LA UNION – Agtultuloy iti panagibunong ti food packs ti lokal a gobyerno ti Bauang, La Union kadwa da ti Municipal Social Welfare Office (MSWDO) kadagiti residente ti nasao nga ili, nga iti agdana ket naka-quarantine gaputi COVID 19.
Idi kalman, Huwebes, nagturong iti bunggoy nga indaulwan ni Mayor Menchie de Guzman iti tallo a barangay, a pakaibilangan idiay Nagrebcan, Calumbaya, ken Payocpoc Sur tapno ibunong ti food packs, para kadagiti residente nga agkasapolan.
Ngem idi Miyerkoles, immunan a nabunongan ti ayuda iti aganay 50 a residente idiay Barangay Baccuit Sur.
Base iti datus ti Bauang-LGU, nakailista iti 30 a baro a kaso ti COVID 19 idi kalman, Agosto 5.
Gaputi dayta, pakabuklan ita a 102 dagiti aktibo a kaso iti makaakar a sakit.
Nakailista met iti 16 a new recoveries wenno pakabuklan a 1,016 iti total recoveries iti COVID 19 iti nasao nga ili.
Kabayatanna, nakailista metten ti ili a Bauang iti 23 a natay ken pakabuklan a 1,141 iti confirmed cases ti COVID-19 sipud timpuar ti pandemya idi napan a tawen.
