ROSARIO, LA UNION – Mangisayangkat iti Lokal a Gobierno ti Rosario, kadua ti Office of the Provincial Veterinarian ken College of Veterinary Medicine ti DMMMSU-NLUC, ti maysa a libreng kapon program para kadagiti taraken nga aso ken pusa.
Ti “Libreng Kapon para kay Bantay at Muning” ket maangay inton Abril 16, 2026, mangrugi iti alas-otso ti bigat idiay Rosario Farmer’s Civic Center.
Panggep ti programa a mapagtalinaed ti nasalun-at a kasasaad dagiti dingwen ken makontrol ti panagado dagiti stray animals iti komunidad.
Adda laeng ti 50 a slots para kadagiti maawat, isu a masapul ti pre-registration dagiti pet owners.
Masapul a nasayaat iti salun-at ti taraken nga ayup, agtawen ti innem a bulan agingga 3 a tawen, addaan ti timbang a saan a ngumato ti 10-kilo, ken maysa laeng a taraken iti tunggal pet owners. Nasken met a pakanen ken painumen iti taraken – walo nga oras sakbay ti operasion.
Palagip pay kadagiti agtagikua a dagiti pusa ket masapul a naikabil iti cage, ken dagiti aso ket nakatali wenno naka-cage. Masapul met a mangiyeg ti tuwalya para iti taraken iti kaaldawan ti operasion.
Segun ti lokal a gobierno, napateg a mausar dagiti residente daytoy a libre a serbisio tapno mapagtalinaed ti salun-at ken kinatalged dagiti taraken kasta met a maliklikan ti panagadu dagiti stray animals iti lugar. (Report by Bombo Jordan)
