LA UNION – Pinunas iti lokal a gobyerno ti San Fernando iti panagamak ti publiko ken siniguro met ti City Veterinary Office, a natalged iti intero a probinsiya ti La Union iti sakit nga African Swine Fever (ASF).
Iti mensahe nga inruar ita ti lokal a gobyerno, awan iti report kadakuada maipapan iti kaso ti ASF iti intero a probinsiya ken uray iti intero a Region 1.
Kagiddan daytoy, nabalakadan dagiti swine raisers a liklikan iti swill feeding wenno panagpakan iti baboy kadagiti matid-tidda a taraon kadagiti restaurants ken hotels, ken ipaka-ammo a dagus iti City Veterinary Office nu adda maobserbaran a naidumduma wenno pannakatay dagiti taraken a baboy.
Siniguro pay ti LGU a committed da iti kinatalged ken seguridad dagiti umili manipud African swine fever outbreak.
Agtultuloy met iti ar-aramiden nga strict inspection ti City Veterinary Office iti amin a swine products ken karne ti baboy a mailaklako iti merkado.
