Nangipaay iti Lokal a Gobierno ti San Juan ti abono para kadagiti mannalon ti ili idi Hulio 9, 2026.
Pakabuklan a 3,472 bote ti Foliar Liquid Nitrogen ken 788 a pakete ti Foliar Wettable Powder Fertilizers iti naipaima kadagiti kapitan babaen iti panangidaulo da Mayor Mariquita P. Ortega, Vice Mayor Arturo P. Valdriz ken dagiti miembro ti Sangguniang Bayan.
Naituding a maipaay dagiti nasao nga abono kadagiti mannalon a nagmula ti hybrid ken RCEF certified seeds ti ili.
Paset iti distribusion ti ₱3,353,200.00 a gatad ti interbension iti sidong ti Rice Banner Program ti Department of Agriculture – Regional Field Office 1 (DA-RFO1) a pormal a naipaay idi Hunyo 25, 2026 iti DA-Ilocos Integrated Agricultural Research Center (ILIARC).###
