Arigna rinambakan met dagiti atleta ti Milano Cortina Winter Olympics iti Valentine’s week kalpasan a maibos iti libre a supply ti condom sakbay pay a dumteng ti mismo Valentine’s day.
Napagammuan a nasurok 10,000 prophylactics iti naipaay kadagiti city ken mountain accommodation sites dagiti organizer, kas paset ti Olympic tradition tapno itandudo ti natalged a relasion kadagiti agtutubo ken atleta nga agkadua iti close quarters.
Naibusen idi Sabado iti stock bayat a adda pay ti nasurok a maysa lawas iti ay-ayam.
Segun kenni International Olympic Committee spokesman Mark Adams, 10,000 dagiti nausar ken pakabuklan laeng a 2,800 dagiti atleta.
Saan met a pagarupen dagiti sumagmamano nga atleta iti napartak a pannakaibos dagiti condoms – a maysa a pagilasinan nga ado a tatto nga agus-usar wenno ipapaayda kadagiti gagayyem nga adda iti ruar a kas maysa a sagut.
