Tumultulong ita ti Department of Agriculture (DA) Regional Office-1 ken National Food Authority (NFA) para iti transportasyon dagiti ilaklako nga irik dagiti mannalon babaen ti programa Palay Sakay.
Ti nasao a programa ket libre a serbisyo tapno suportaran dagiti mannalon nga addaan ti kooperatiba ken individual farmers iti Ilocos Region nga agilako iti irik ti NFA.
Adda iti walo a truck manipud ti DA iti agibunag ti irek a maiturong kadagiti NFA Warehouses a pakailakuan kadagitoy.
Dakkel a tulong daytoy para kadagiti mannalon nga agilako iti irik da idiay NFA a parikut da ti transportasyon kadagiti produkto da.
Babaen ti pannakikoordinarda kadagiti lokal a gobyerno ket adda ti maaramid nga schedule ti panagbunag kadagiti nasao a produko manipud kadagiti naduma-duma a lugar.
Kabayatanna, iti panaggatang ti irik iti NFA ket P19.00 kada kilo.
